UAGUT ALAPERNAATSUUVUGUT
Imeq Periarfissiivoq
Molekylit tunngaviusumik imermut sunniutaat misissuinerit nutaat takutippaat. Ilimagineqartut ilagaat imeq assigiinngitsunik marlunnik eqimassuseqartoq allallu ilimagalugu imeq allanngorarnermini imminut atassusilersinnaariarluni akui avissaartuutilertartut.
Atortussanik, kissassutsimik, qaamanermik sajuppilunnermillu avatangiiiseqarnini apeqqutaatillugu imeq allanngortarpoq.
Imeq assigiinngitsutigut misissugaralugu itinerusumik paasiartorparput inuunitsinnut tunngaviusumik qanoq sunniuteqarsinnaanersoq – soorlu qanga itsaq silassorissut taamatut aamma eqqarsartarsimasut.
Imivik of Greenland-imi upperaarput, erngup periarfissiinera atorluarlugu inooriaaserput, suleriaaserput inuttullu atassuteqaqatigiittarnerput allanngortissinnaagipput.
Upperaarput
Erngup periarfissiinera atorluarlugu inooriaaserput ilorraap tungaanut allanngortissinnaagipput.
“Imerluni misigisaq oqaatsinik nassuiaruminaappoq. Ilumoortumik tupinnarluinnarpoq.”
Thomas løhren busch
Angakkussarfimmit oqaluttuat
Angakkussarfik Qeqertarsuarmi Uunartuarsuup Puilasuata qanittuaniippoq. Angakkussarfik tassa "angakkunngorniat sungiusartarfiat”.
Puilasoq itsarli ataqqineqarpoq, oqaluttuatoqqallu naapertorlugit puilasumit imeq minguitsuummat ukiumilu issilillaraangalluunniit sermerneq ajorami angakkussarfissatut piukkunneqarneranut pissutaaqataalluni.
Tamakkua pinngortitami tupinnartut itsarli angakkunit ornigarneqakkajupput, Angakkussarfillu illernartutut isigineqartuarluni.
SULEQATIGIIT
Misilittagallit tunniusimaartut
Imivik of Greenland-imik ingerlatsisut tassaapput Danskinit kngoqqisut kiisalu Inuit. Siunertaq ataatsimoorfigalugu ilisimatuussutsikkut paasisat tunngavigalugit ataatsimoorluta anguniagaqarpugut: Imeq Uunartuarsummi puilasumeersoq sukujuiarlugu akualu oqimaaqatigiissillugu, minguilluinnarnerata allannguutaasinnaaneranik paasinnittunut, Issittup imaa aqitsoq agguaatissallugu.
KALAALLIT NUNAANNUT ATASSUTEQAATERPUT
Inuit Uummammioralugit
Ukiuni tuusintilinni issittup tunniussinnaasai Inuit akorniminni agguaattarlugit inuuniutiginikuuaat. Ullormut pisat agguaallugit tamarmik inuuniutigiinnarnagit aamma pilluaatigisarsimavaat.
Inuit pinngortitaq saaffigiuarsimavaat pisuussutai atorluartarlugit, tamannalu iluminni sumut itinerusumut atassuteqaatitut aqqutigisarlugu. Inuit kingornutaat ataqqillugit pioreersut kisiisa tigulaariffigaagut, kiisalu Qeqertarsuarmi inuiaqatigiit tapersersorlugit pingaarutilinnik pilersitatsinnik avitseqatigisarlutigit.
